దేశభక్తిగీతం...

భారత దేశం మనదేర

||ప||    భారత దేశం మనదేర

భారతీయులం మనమంత

భారతదేశం మనదేర

1చ    భరతుడు ఏలిన రాజ్యముర

బుద్ధుడు పుట్టిన దేశముర

గాంధీ, నెహ్రూ, జనని ఇందిర

          రాణి రుద్రమ వెలసిన క్షేత్రం ||భా||

2చ    ఒకటే కులముగ కలిసుంటాం

          ఒకటే మతముగ నిలిచుంటాం

          గాంధీతాత చెప్పిన సూక్తులు

          మరవక మేము పాటిస్తాం ||భా||

3చ    జై జవానులమై రక్షిస్తాం

          జై కిసానులమై పండిస్తాం

          దేశం కోసం పిల్లలమంత

          తూటాలై మేము దూసుకు వెళతాం ||భా||

4చ    శాంతికి మేము దూతలము

          దేశభక్తికి వారసులం

          శత్రువు లెవరైన మా జోలికి వస్తే

          ఖబడ్దారంటు తరిమేస్తాం ||భా||

రచయిత్రి అప్పల బాలరత్నం