telugudanam.co.in

నవభారతదేశం

ఇది సుందర దేశం నవభారత దేశం

మృదు మంజులనాదం పురిగొల్పిన వేదం ||ఇది||

గల గల గల సవ్వడి గమకాలకు పల్లవి

అలనురగల వెల్లుడి పలికించిన అల్లరి

జ్వనదులె సంగమ సారాలకు తేటని

ప్రేమ ఎదల కలయికయే వెలుగొందిన జీవని ||ఇది||

కులమతమను బేధము మనకెందుకు మిత్రుడా!

మతమౌధ్యాలెందుకు? భరతజాతి పుత్రుడా!

భాషలు వేరైనను భావమొకటి కనుమరా

భేదము లెంచకురా భారతికే మొప్పరా ||ఇది||

మారణ హొమాలను రగిలించుట తగదని

మానసదీపాలను వెలిగించుట సుఖమని

నడవడు లొకటైతే కలదందున రసధుని

కులమతమను తేడాలను వీడితే శుభశశి ||ఇది||