telugudanam.co.in

పండిత నెహ్రూ పుట్టినరోజు

పండిత నెహ్రూ పుట్టినరోజు పాపలందరికీ పుట్టినరోజు

సమతా మమతా పుట్టినరోజు మంచికి కోవెల కట్టిన రోజు

ముత్యం లాంటి మోతీలాలుకు రత్నం లా జన్మించాడు

జాతిరత్నమై వెలిగి ఇంకొక జాతిరత్నం ను కన్నాడు

అతడే జవహరులాలు అతనికి మన జేజేలు ||2|| ||పం||

తలపై తెల్లని టోపి ఎదపై ఎర్రగులాబి ||2|| ||పం||

పెదవులపై చిరునవ్వు మదిలో పున్నమినవ్వు

చేతిలో పావురం మనజాతికి అతడే గోపురం ||2|| ||పం||

మహాత్మాగాంధీ అడుగుజాడలో స్వరాజ్య సమరం నడిపారూ

రణదాహంతో రగిలే జగతిని శాంతి సుధలు కురిపించాడు

కన్నుమూసినా జవహర్‌లాల్‌ కంటిపాపగా వున్నాడు

ఇంటింట జ్యోతిగా వున్నాడు చాచానెహ్రూ అమర్‌ రహే ||3|| ||పం||