మా అనుబంధ వెబ్‌సైట్...

సౌందర్య పోషణ

మెడకు

• వర్షాకాలంలో కాళ్ళు, చేతులు దురదగా అనిపిస్తే ఒక పాత్రలో నీళ్ళు తీసుకొని అందులో కొన్ని చుక్కలు డెట్టాల్ వేసి ఆ నీళ్ళతో కాళ్ళూ చేతులు కడుక్కోండి.
• ఎప్పుడూ తుళ్లుతూ హుషారుగా ఉండాలన్నా కుర్రకారులా మెరిసిపోవాలన్నా ముడతలను నివారించాలన్నా మెడ వ్యాయామం తప్పనిసరి. దీనివల్ల ఒత్తిడులు ఉద్వేగాలు కూడా దూరమై చర్మం మరింత అందంగా తయారవుతుంది. వ్యాయామానికి, ఆరోగ్యకరమైన చర్మానికి సంబంధం ఉందన్నది అందరూ ఒప్పుకునే సత్యమే కదా?
• వ్యాయామంతో రక్తప్రసరణ వృద్ధి అవుతుంది. తద్వారా బలమూ, శక్తి కూడా లభిస్తాయి. రక్తప్రసరణ పెరిగి దేహానికి బాగా ఆమ్లజని లభించడంవల్ల వయసుతోపాటు వచ్చే ఇబ్బందులు తగ్గుతాయి. ముఖం కడిగేటప్పుడే వేళ్లతో రుద్దండి. మెడకు వ్యాయామమేకాక అక్కడే ఎక్కువగా చేరే మురికి వదిలిపోతుంది.
• కూర్చునేటప్పుడు, నిలబడేటప్పుడు భుజాలు, మెడ నిటారుగా ఉంచడం అలవాటు చేసుకోండి. రోజుకు కనీసం రెండు సార్లు మూడు నాలుగు నిముషాలు మెడ పైకి ఎత్తడం వంచడం ఆ పక్కకు, ఈ పక్కకు తిప్పడం చేస్తూండండి. మెడకండరాలు చక్కగా పనిచేస్తాయి.
• కొద్దిగా గ్లిజరిన్ తీసుకుని అందులో కొన్ని నిమ్మరసం చుక్కలు కలపండి. ఆ మిశ్రమాన్ని రోజూ రాత్రివేళ పడుకునేటప్పుడు మెడకు రాయండి. ఉదయాన్నేలేచి శుభ్రం చేసుకోండి. కొద్ది రోజుల్లోనే మెడ మెరిసిపోతుంది. ఆకర్షణీయంగా తయారవుతుంది.
• కొద్దిగా గ్లిజరిన్ తీసుకుని అందులో కొన్ని నిమ్మరసం చుక్కలు కలపండి. ఆ మిశ్రమాన్ని రోజూ రాత్రివేళ పడుకునేటప్పుడు మెడకు రాయండి. ఉదయాన్నేలేచి శుభ్రం చేసుకోండి. కొద్ది రోజుల్లోనే మెడ మెరిసిపోతుంది. ఆకర్షణీయంగా తయారవుతుంది.
• అల్ఫా హైడ్రొక్సియాసిడ్స్ లేదా రెటివాల్స్ గల నైట్‌క్రీమ్‌ను ముఖానికి మెడకు రోజూ రాసుకుంటే మంచి ఫలితం ఉంటుంది.
• పుదీనా ఆకుపొడిని, స్నానం చేయబోయే ముందుగా కొంతనీటిలో కలుపుకోండి. ఆ నీటితో స్నానం చేస్తే శరీరం తాజాగా హాయిగా ఉంటుంది.
• చర్మం చిట్లి బిరబిరలాడుతుంటే పెరుగు రాసి పావుగంట ఆగి స్నానం చేయండి.
• చర్మం మీద ముడతలు పోవాలంటే కొన్ని రోజులు, రోజూ చేమంతి పువ్వుని శరీరం మీద సున్నితంగా రుద్దాలి.

[ వెనుకకు ]

శరీరానికి

• ఆలివ్ ఆయిల్‌లో కాస్త కర్పూరం కలిపి రోజూ పడుకునే ముందు ముఖానికి రాసుకుంటే మొటిమల తగ్గిపోతాయి.
• ఏడాది పొడవునా ఒకే విధమైన పర్‌ఫ్యూమ్ వాడకూడదు. ఋతువులను బట్టి పర్‌ఫ్యూమ్ తీక్షణత గుణధర్మాలు మారుతుంటాయి.
• కొద్ది నీళ్లలో పుదీనాకు వేసి ఉడికించి ఆ నీటిని స్నానం చేసే నీటిలో కలిపి స్నానం చేయాలి. చంకల్లో, లోపలి భాగాల్లో పూసుకునేందుకు కొద్దిగా పుదీనా ద్రవాన్ని పక్కకు పెట్టుకోండి.
• నీటిలో పటిక వేసి స్నానం చేస్తే శరీరం తాజాదనంతో ఉంటుంది.
• శరీర దుర్వాసనతో బాధపడేవాళ్లు మొక్కజొన్నలు, గోధుమలు, పల్లీలు, ఇతర పప్పులు, మొలకలు, ధాన్యాలు, గుడ్డు వంటి వాటిని పరిమితంగా తీసుకోవాలి.
• స్నానం అయిన తర్వాత కొంచెం నీళ్లలో తేనె వేసి ఆ నీటిని ఒంటి మీద పోసుకోవాలి. ఇలా చేస్తే శరీరం దుర్వాసన ఉండదు.
• స్నానం చేసిన వెంటనే సుగంధాలను వాడితే మంచిది. ఈ సమయంలో చర్మం పైన రంధ్రాలు తెరుచుకొని ఎక్కువ సుగంధ పదార్ధాన్ని గ్రహిస్తాయి.
• స్నానంచేసే నీటిలో ఒక కప్పు వెనిగర్ లేదా కర్పూరాన్ని కలిపి పోసుకోవాలి. వేసవి కాలంలో ఇలా స్నానం చేస్తే ఎంతో హాయిగా ఉంటుంది.
• ముఖం మీద నల్లమచ్చలు పోవాలంటే ముఖానికి ఆవిరి పట్టాలి. నిమ్మకాయ రసం, కోడిగుడ్డులో తెల్లసొన, పసుపు సమపాళ్ళలో కలిపి ముఖానికి పట్టించి పది నిముషాల తర్వాత కడగాలి. ఈ విధంగా వారానికి ఒకసారి చేయాలి.
• జాపత్రిని పాలతో బాగా అరగదీసి రాత్రి పడుకోబోయే ముందుగా ముఖం మీద నల్లమచ్చలున్నచోట రాయండి. ఉదయాన్నే లేచి గోరువెచ్చని నీటితో ముఖం కడగండి. 10 రోజులు ఇలా చేయండి.
• కొత్తిమీర రసంలో చిటికెడు ఉప్పు కలిపి ముఖానికి రాసి అరగంట తర్వాత చన్నీటితో కడిగితే మొటిమలు పోతాయి.

[ వెనుకకు ]

దుర్వాసన రాకుండా తీసుకోవాల్సిన జాగ్రత్తలు

• నిత్యం యాంటి బ్యాక్టీరియల్ సబ్బుతో చంకలు తదితర శరీర ముఖ్య భాగాలను తప్పనిసరిగా శుభ్రం చేసుకోవాలి.
• చంకలను శుభ్రం చేసుకోవడంపై ఎక్కువగా దృష్టి సారించాలి. ఎందుకంటే శరీరంలోని 80 శాతం స్వేదగ్రంధులు ఈ ప్రాంతంలోనే కేంద్రీకృతమై ఉంటాయి.
• శుభ్రమైన లోదుస్తులు ధరించాలి. కాటన్‌వి అయితే మంచిది. అవి చర్మంలోకి గాలివెళ్లేట్టు చేస్తాయి.
• సింధటిక్ బట్టలు వేసుకోవచ్చు.
• పళ్లు, కూరగాయలు తీసుకుంటే శరీరం దుర్వాసన రాదు.
• నీళ్లు బాగా తాగాలి. నీళ్లు తాగితే స్వేదగ్రంధులు బాగా పనిచేస్తాయి. దీంతో చెమట వాసన బాగా తగ్గిపోతుంది.
• స్నానం చేసిన తరువాత టాల్కం పౌడర్ వేసుకుంటే శరీరం పొడిగా ఉంటుంది. బ్యాక్టీరియా ఎక్కువ చేరదు.
• కాఫీ, టీ, కూల్‌డ్రింక్స్, చాక్లెట్లు తినడం బాగా తగ్గించాలి.