మా అనుబంధ వెబ్‌సైట్...

ఇండియాగేట్‌కు 75 ఏళ్ళు!

ఇండియాగేట్ కేవలం ఒక కట్టడం మాత్రమే కాదు. మన సైనికుల త్యాగానికి గుర్తు. అందుకే దానిని ' ఆల్ ఇండియా వార్ మొమోరియల్ ' గా పిలుచుకుంటారు. అంటే.. అఖిల భారత యుద్ధ స్మారక చిహ్నం అని. న్యూఢిల్లీలోని రాజ్‌పఢ్‌లో ఉన్న ఇండియాగేట్ ఈ సంవత్సరమే 75 ఏళ్ళు పూర్తి చేసుకుంది!

• ఒకటో ప్రపంచయుద్దం. ఆప్గన్ యుద్ధాల్లో ప్రాణాలు అర్పించిన 90,000 మంది భారతీయ సైనికుల త్యాగానికి గుర్తుగా బ్రిటిషు ప్రభుత్వం కట్టిన స్మారకచిహ్నమే ఇండియాగేట్.
• దీనికి 1921 లో ఫిబ్రవరి 10న శంకుస్ధాపన చేశారు. నిర్మాణం పూర్తి కావడానికి పదేళ్ళు పట్టింది!
• ఇండియాగేట్ ఎత్తు 42 మీటర్లు. దీని పైన మధ్యలో గిన్నెలాగా ఉంటుంది. వార్షికోత్సవాల సందర్భంగా నూనె పోసి వెలిగించడానికి దీనిని కట్టారు.
• ఇండియాగేట్ పై భాగంలో ఇంగ్లీషులో పెద్ద అక్షరాలతో ఇలా చెక్కి ఉంటుంది.

TO THE DEAD OF THE INDIAN ARMIES WHO FELL HONOURED IN FRANCE AND FLANDERS MESOPOTAMIA AND PERSIA EAST AFRICA GALLIPOLI AND ELSE WHERE IN THE NEAR AND THE FAR-EAST AND IN SACRED MEMORY ALSO OF THOSE WHOSE NAMES ARE RECORDED AND WHO FELL IN INDIA OR THE NORTH-EAST FRONTIER AND DURING THE THIRD AFGAN WAR.
• ద్వారం ఆకారంలో ఉండే ఇండియాగేట్ కింద అమ్ర్‌జవాన్ జ్యోతి ఉంది. దీనిని 1971లో ఏర్పాటుచేశారు. ఒక సైనికుడి సమాధి మీద. తలకి పెట్టుకునే హెల్మెట్ తొడిగిన తుపాకీ ఉంటుంది. దీనికి నాలుగు వైపులా ఎప్పుడూ దీపాలు వెలుగుతూనే ఉంటాయి.