telugudanam.co.in

పాస్‌వర్డ్ గుర్తుండాలంటే...

మెయిల్ ఓపెన్ చేసేటప్పుడు చాలా మంది ఎవ్వరూ కనుక్కోలేని విధంగా పాస్‌వర్డ్ ఇవ్వాలని పప్పులో కాలేస్తుంటారు. ఒక్కోసారి పాస్‌వర్డ్ గుర్తురాక నానా తంటాలు పడాల్సి వస్తుంది. ఇలాంటి సమస్య ఎదురుకాకుండా ఉండాలంటే...

• పాస్‌వర్డ్ ఇచ్చేటప్పుడు వాళ్ళ కారునెంబర్లు, లేదా బైక్ నెంబర్లతో వారికి ఇష్టమైన పువ్వుల నెంబర్లు మిళితం చేసి ఇవ్వవచ్చు.
• ఉదా: మీ కారు నెంబర్ AP04 అనుకోండి. మీకిష్టమైన పువ్వు లిల్లీ (lily) అనుకోండి. అప్పుడు మీ పాస్‌వర్డ్ నెంబర్ alpi014y ఇవ్వవచ్చు.
• అదే విధంగా మీరు Pinky అని పాస్ వర్డ్ ఇవ్వాలనుకున్నారనుకోండి. ఇందులో ఒకటి బిగ్‌లెటర్, ఒకటి స్మాల్ లెటర్ కూడా ఇవ్వవచ్చు. అప్పుడు PiNkY ఈ విధంగా అన్నమాట.
• ఇంకాస్త క్రియేటివిటీగా ఇవ్వాలనుకుంటే 1=1, 5=S, 0=o. అంటే 150 నెంబర్‌కు బదులుగా ఇంగ్లీష్ అక్షరాలన్నమాట.
• ఒక మాటను షార్ట్‌గా చేసి ఇచ్చుకోవచ్చు. అదెలాగంటే ' Candy for you ' అని ఇవ్వాలనుకున్నారనుకోండి. ' cAnDy4U ' అని ఇవ్వవచ్చు.
• మీ పాస్‌వర్డ్‌ను ఆరు నెలలకోసారి మార్చుకోవడం మంచిదని నిపుణులు చెపుతున్నారు. అలాగే మీ పాకెట్ డైరీలోగానీ, మీ సెల్‌ఫోన్‌లోగానీ పాస్‌వర్డ్ నోట్ చేసుకోవడం మంచిది.