telugudanam.co.in

ఈ ఘనులందరూ వికలాంగులే

అన్ని అవయవాలూ సక్రమంగా ఉంటే అన్నీ సాధించవచ్చు, ఆకాశపు అంచులను అలవోకగా స్పృశించవచ్చు అనుకునే వారితో చాలెంజ్ చేస్తూ మేమూ తక్కువ వారివేమీ కాదు, మీతో పోటీ పడతాం, మిమ్మల్ని అధిగమిస్తాం అంటూ ముందుకు దూసుకుపోతున్నారు వికలాంగులు. వైకల్యాన్ని అధిగమిస్తూ వివేకంతోనూ, తీవ్ర శ్రమతోనూ అత్యధిక విజయాలను సాధిస్తున్న వీరు తాము వికలాంగులమే అన్న విషయాన్నే మరచిపోతున్నారు. స్వేచ్చగా, సంతోషంగా జీవితపు ఆనందపు రుచులను ఆస్వాదిస్తున్నారు. మనోబలమే మహాశక్తిగా చరిత్ర సృష్టించిన వారెందరో ఉన్నారు. వారిలో కొందరి గురించి తెలుసుకుందాం.

• చిన్న వయసులో జరిగిన ప్రమాదం ఫలితంగా జీవితాంతం వికలాంగుడిగానే గడపవలసివచ్చిన టల్లీరాండ్ ప్రముఖ రాజనీతివేత్తగా రాణించాడు.
• అలెగ్జాండెర్ పోప్‌కు తండ్రినుంచి వికృత రూపం, తల్లి నుంచి తీవ్రమైన తలనొప్పి పుట్టుకతో సంక్రమించాయి. శారీరక అశక్తత వల్ల జీవితం అతనికి సుదీర్ఘ వ్యాధిగ్రస్తంగా మారింది. అయినప్పటికీ అతను గొప్ప కవిగా రాణించాడు.
• ఎలిజబెత్ బ్రౌనింగ్ తన 16వ ఏట గుర్రపు పిల్లకు జీను తగిలించి సవారీ చేయబోతుండగా జరిగిన ప్రమాదం వల్ల ఆమె వెన్నెముకకు దెబ్బ తగలడంతో జీవితాంతం ఆమె అనారోగ్యంతోనే బాధపడింది. అయినా ఆమె గొప్ప కవయిత్రిగా ఖ్యాతినొందింది.
• చార్లెస్ స్టీయిన్‌మెత్జ్, అలెగ్జాండెర్ పోప్‌లకు గూని ఉండేది.
• అడ్మిరల్ సెల్‌సన్‌కు ఒక కన్ను మాత్రమే ఉండేది.
• ఎడ్గర్ అలన్ పో మానసిక రోగి.
• చార్లెస్ డార్విన్ ఎందుకూ కొరగానివాడుగా ఉండేవాడు.
• రోమన్ చక్రవర్తి జూలియస్ సేజర్ మూర్చ రోగి.
• థామస్ ఎడిసన్‌కు, బీథోవన్‌కు చెవుడు ఉండేది. బ్రహ్మ చెముడుతోనో బెథోవెన్ సుప్రసిద్ధ సంగీత రచనలు చేశాడు.
• స్కాట్ దేశపు ప్రఖ్యాత రచయిత రాబర్ట్ లూయీ స్టీవెన్సన్ క్షయ వ్యాధితో ఊపిరితిత్తులు పూర్తిగా చెడిపోయినప్పుడు అద్భుత రచనలు చేశాడు.
• సరైన కంఠస్వరం లేక నత్తితో మాట్లాడే గ్రీకు రాజనీతిజ్ఞుడు డెమొస్తనీస్ గొప్ప వక్తగా రాణించాడు.
• ప్రపంచ ప్రఖ్యాత కవులు లార్డ్ బైరన్, వాల్టర్ స్కాట్ ఇద్దరూ కుంటివారే. బైరన్ కాళ్ళు వంకరగా ఉండేవి.
• ప్రసిద్ధ కుమ్మరి మరియు శాస్త్రవేత్త జోసియో వెడ్ఝ్‌వుడ్‌కు మోకాలికి వచ్చిన వ్యాధి ఫలితంగా కాలు తీసేయవలసివచ్చింది.
• టైం పత్రికను స్థాపించిన హెన్రీ లూసీ జీవితాంతం నత్తితో బాధపడ్డాడు.
• బాలుడుగా ఉన్న రోజుల్లో నత్తితో బాధపడే డెమస్తనీస్ తన నాలుక క్రింద గులక రాళ్ళను ఉంచుకుని దాన్ని జువ్వుకొనడం అలవాటు చేసుకున్నాడు. రాత్రింబవళ్ళు చెట్ల ముందు, గోరీల ముందు, శ్మశానం ముందు నిలబడి గంటలకొద్దీ ఉపన్యాసాల్ని ఇచ్చేవాడు. పాతకాలపు ప్రపంచానికి చెందిన అతి గొప్ప వ్యక్తిగా గుర్తింపబడి ఇతను రాణించాడు.
• సోమర్‌సెట్ మాం వృత్తిరీత్యా వైద్యుడు. కానీ నత్తి కారణంగా వైద్య వృత్తిని చేపట్టకుండా రచనా వ్యాసంగాన్ని వృత్తిగా ఎంచుకుని ప్రపంచ ప్రఖ్యాత రచయిత అయ్యాడు.